Santina de Covadonga, patrona de AsturiasSermones
L'Amuravela a la Santina
(con motivo de su visita a Cudillero)


En el nombri de Jesús
comu San Pedru asperaba,
vou ichar L’Amuravela
a la Virgin Soberana.

Bonus lus tengas, Santina,
madri de lus asturianus,
que gulviasti a Cuideiru
dispuás de cincuanta añus.
De siguru qu’anotasti
algu de cambeau el puablu,
anqui a dicir la verdá
bian poucu ti pasearun,
ni una mini prusición....
que ti faigamus, deixarun,
ven pa cá... ¿a que tianin miadu?
a que ti gustara tantu
¿que nun quixaras deixanus?
Pos que ten tranquilus ¿güisti?
que a nengunu sicuestramus,
ya cuandu queras golver,
failu en sin avisallus,
que nun vei  faltati nada
tandu aquí entre lus pixuatus,
Tú mesma lu comprobasti
el tiampu que ti tuviamus.

Comu faigu con San Pedru
en el día del sou santu,
vou cuntati a Ti tamián
lus socesus que pasarun,
haberálus más antigus
ya outrus, de fai poucu tiampu.
Del Cuideiru que tu visti
la outra vez que ti truxárun,
a esti que tas viandu ahora
hay diferiencias a ciantus,
pos desdi aquella p’aca
abondus cambius tuviamus,
lus botis, que son mas grandis
ya nun tán n’el puartu viayu,
pos dispuás de luchar muchu

fixárunnus unu nuavu,

peru pirdiamus la playa
ya nun hay agú bañanus,
ya si queremus facellu,
hemus de garrar el autu,
asina pa protejenus
fanti tener dos trabayus,
primeiru na carretera
ya dispuás pa nu afoganus.
¡ co lu fácil que siría
facenus la playa‘n puablu !

Baxóu la pesca bastanti,
en cantidá ya en tamañu
¡ ya nun si ven las mareas 
que tiniamus antañu !
lu que nus salva ¿güisti?
que lus precius, son más altus,
peru nun ti ixtrañi nada
que acabin co’l pescau,
primeiru, co las volantas
que abondu dañu fixarun,
y’ahora con’el tren de  bolus
deixanlu todu arrasau,
nusoutrus con una gualga
abondu que protestamus,
peru nun sei Santa Hermosa,
¿paezti llograremus algu?
o quedara’n un misteriu
qu’alguin dexi bian “guardado”,
dimisionis d’ida y gualta
a mi nunca m’incajarun.
Quiaru aquí filicitar 
a Don José’l cura párracu
pos pa protestar,  pechóu
tiandas ya baris del puablu,
asina comu la Ilesia
ya tamián el Yuntamiantu
¡ güi que lus sindicatus
andan quiriandu fichalu !

Asina ya comu tamus
en Cuideiru, ¡ aliaus !
peru mil vecis pior
ya lu que anda pasandu 
por esus mundus de Dios :
tirrurismu, sisinatus,
terramotus, huracanis,
guerras, drogas ya sicuastrus,
ya lus probis imigrantis
que a milis nus tan viniandu,
ya comu nu hay aú metellus,
el gubiarnu quiar ichalus
co la ley d’ixtranjiría,
que nun sei d’aú la sacarun,
has de velar Tú por todus
ya íchanus una manu,
pa que cabin las disgracias
que tan al homi aguayandu,
d’ayudar sabis bastanti,
¡ prigúntai sino a Pelayu !


De lu que hay por Asturias....
¿mirez que ti cunti algu?
pos llevamus unus añus
qu’estu nu hay pur ú garrallu
igual nus da el color
co’l que vistan al gubiarnu,
primeiru impriman muy bian,
dansi chuchinus y’abrazus
peru dispuás de dos días
ya andan a puñitazus,
¡ en sin falta upusición !
que tianin la guerra diantru,
(igual da unus que outrus
qu’el mesmu error cumitiarun)
ya miantras esu socedi
el Principau avanzandu,
somus el númeru unu
en gualgas, paru y borrachus,
sin falar de vacas lloucas
que tamus ya dispuntandu,
nun hay peixis en’a mar
nin más minas que pechanus,
las carreteras, ¿güisti?
siampri las tan licitandu,
ya la varianti’l Pajaris
paemi que vei pa llargu,

miantras outrus tianin “AVI”

nusoutrus páxaru pardu;
piansu ... vou cambear de terciu
si non acabu llorandu.


Vou a diciti una cousa
- si nun lu digu ribiantu -
tianis abonda más suarti
qu’el nuasu Patrón ya Santu,
qu’al probi, n’Amuravela
nun lu deixan prisidiandu.
Yo digüilu a D. José,
¡ peru nun mi fai nin casu !
qu’estu, ya comu’l fugol,
en direutu ya n’el campu,
que viándulu po la teli
siampri ti distrais algu.
Mira ver si Tú intirvianis
ya puadis sulucionallu,
pa que ten en’a Ribera
San Pedru y lus demás Santus.

Ahora ya vou acabar,
- D. Tilanu .... ta apurandu -
que ya ta la camioneta 
en’a puarta asperandu,
solu mi queda piditi
la prutición pa esti puablu,
que ti alcuardis de nusoutrus,
pa que nun suframus dañus
ni en’a tiarra, ni en’a mar
ya que siampri en paz salgamus,
llibranus de todu mal
ya asperanus n’el cialu,
¡ peru pa estu, nun ti apuris
deixa que pasin lus añus !

Vou ahora dati unus vivas
pa tirminar el rilatu:
¡ Un viva pa la Santina
que venu a Cuideiru a honranus !
¡ Viva San Pedru Gloriosu
que ya’l Patrón d’esti puablu !
Ya comu toi en’a Ilesia,
¡ que vivan todus lus Santus !
¡ Viva’l Siñor Arzubispu
que Dios guardi muchus añus !
¡ Viva D. Franciscu Alvarez
que cardenal lu nombrarun !
¡ Ya viva D. Atilanu
que nun piansi lu ulvidámus !
¡ Que viva toda la xanti
qu’aquí tuviarun rezandu !
Ya pa tirminar, la copla
que ya nus vian desdi antañu,
- vou facei unus arreglus
pa ver si sirvi de algu.....
al cura, un i vei gustar,
peru nun puadu evitallu

¡MIENTRAS CUDILLERO VIVA
Y DURI LA FUENTI’L CANTU
QUEREMUS L’AMURAVELA
CON LA PRESENCIA DEL
SANTU!

 ¡ Amura vela ! ¡ Isa vela !
¡ Fuego a babor !
¡ Fuego a estribor !

 ¡¡¡ Viva Pedro !!!
¡¡¡
Viva La Santina !!!

 

Cudillero, 3 de Marzo de 2001

Escrita y recitada por
Cesáreo Marqués Valle