Santina de Covadonga, patrona de AsturiasSermones
L'Amuravela - Día d'ASTURIES
(Cuideiru, 05.09.2009 - 08.09.2009)


Nun vou a invocar lus Santus,

comu faigu na Ribera,

pos nun tá enterau San Pedru

que guay hay amuravela.

 

Muy bonus lus tengáis todus,

forasterus ya pixuatus,

asperu lu paseis bian

n'estus días que son cuatru,

aú vamus a cilibrar

la fiasta lus asturianus,

desde guay cincu, hasta'l ochu

que naidi si sianta istrañu,

tian que reinar l'alligría

dexái las penas pa'l Diañu

ya si yá Burlón mijor

que así enroscalas al rabu.

Habeis de tar priparaus

que igual tan lus Trasgus sualtus

nun vus garrin de sicultri

ya nun sois desapegallus,

Más si una Xana atopais

en una fonti del puablu,

prucurai tratala bian

qu’el Cuelibri ta aguayandu

al que nun queremus ver,

nin tan siquiara asomandu

yá a esi Nuberu aguarón

que siampri nus pon pingandu.

Po lu tantu a la Santina

qu’el día ochu cilibramus,

amás de so pruteición

vamus pidili bon tiampu,

si nun si arregla ella sola

ya nisicita rifuarzu,

que i lu comenti a San Pedru

pa esu yá 'l patrón del puablu.

 

Dispuás de faer el introitu

pa ir el gargüalu aclarandu

vou pasar a rilatar

algún acunticimiantu,

ya aprovechandu que tá

el mandamás del Gubiarnu

comentai algunas cousas

pa que las vaya arreglandu,

ya sinón, que nus lu diga

en sin asperar más tiampu,

que siampri haberá algún santu

aú poder encomendanus.

 

Vou imprimar co la pesca

qu'en Cuideiru ya lu nuastru,

anque cada día menus

¡ya nun yá lu qu'era antañu!

Desaparecéu 'l bocarti

fai tiampu ya del mar cántabru,

el bunitu imprimóu bian

la costera d'esti añu,

peru desdi un mes p'acá

cabóu disapariciandu,

apenas hay calamaris,

l'angula caeu'n picau,

ya la mirluza que era

el santu y seña del puablu,

iscasea ya piqueña

ya tian el preciu baratu,

asina qu'el panorama,

nun tá del todu muy claru,

pos hasta'l gasol nus sal

cada día algu más caru,

Hay que buscar sulucionis,

peru todus de la manu

pos sinon salin ganandu

lus nuastrus “primus hermanus”.


 

En outru ordin de cousas

el puablu vei mijorandu,

a falta de tener playa

tan faciandu zona bañus,

peru tamus comu'l AVI

unda nun nus diarun plazus,

n'estu pa m'idea Kiku

paecisi a Pepi Blancu,

¡has de llamar a Brad Pitt

pa que venga nagurallu!
 


 Marchamus bian en tourismu

¡más vesitantis cada añu!

anque n'esti co la crisis

paez qu'hubu menus cuartus.

Vou lanzar un S.O.S.

ahora que tamus a tiampu:

fai falta qu'imprimin ceu

el campu de fugol nuavu,

antis qu'al sapu pintoju

li dea por facer un charcu,

o si meta n'el terren

la sacabera sin rabu.

 

La parti afuara l'ilesia

fai dos añus ripararun

ya si nun gualvin facellu

vamus cabar afogaus,

pos cuandu lluavi, pa diantru

colasi agua a calderaus.

Ista obra en su momentu

foi fecha pol Principau,

asina que pa m'idea

dibirían rivisallu

ya si lu fixarun mal

que ripitan lus trabayus.

Val más que haiga un sobricosti

a que 'l templu venga abaxu,

siampri que podamus ver

p'aú si dirixin lus cuartus,

porqui sinón lu contrariu

siría costi ensobrau,

imprimandu lus poblemas

que tirminan n'el xuzgau

ya pa defendesi digan

que si siantin ispiaus.

 

Nun vou falar de la crisis

nin metemi co'l gubiarnu,

nin queixami porque omenti

cada día más el paru,

nin de que cerrin empresas

o de que si rompa'l dialagu,

de que haiga más mileuristas

o de cambear lus contratus,

nin de trajis, nin de bolsus,

nin tampoucu de rigalus,

pos si guay tamus de fiasta

¿pa que vamus desgustanus?

Tiampu haberá a llevantasi

cuandu alleguemus al sualu.

 

Toca desfrutar agora

con Miguel Rius cantandu,

Luz Casal, lus Tejedor

ya con Morfeu Suañandu,

habeis gastar el diñeiru

enus puastus qu'hay n'el puartu

ya nun dexeis d'asistir

a la quema de lus fuaus.

 

Asina que vou cabar

gritandu a lus cuatru viantus

¡Viva Asturias ya con ella

que vivan lus asturianus!

¡Vivan lus que n'estus días

con su prisencia han de honranus!

¡Vivan lus que urganizarun

ista fiasta aquí n'el puablu!

¡Viva por siampri Cuideiru

ya vivamus lus pixuatus!

¡Ya viva la nuastra copla

que desdi antañu heredamus,

ya gritamusla urgullosus

por ondi quiara que vamus!


¡MIENTRAS CUDILLERO VIVA
Y DURI LA FUENTI’L CANTU
VA SAN PEDRU A LA RIBERA
CON TODUS LUS DEMAS SANTUS

 ¡ Amura vela ! ¡ Isa vela !
¡ Fuego a babor !
¡ Fuego a estribor !

 ¡¡¡ PUXA ASTURIAS !!!
 

Cudillero, 5 de Septiembre de 2009

Escrita y recitada por
Cesáreo Marqués Valle