En el nombri de Jesús
y la Virgin Soberana,
vou ichar l’Amuravela
comu San Pedru asperaba.
Patron ya Apóstul Gloriosu,
vinimus con todu afeutu
a dati el nuastru saludu
orgullousus va contentus!
Nunca viarun lus antigus
nin lus ñacius muchu menus
fiastas comu las qu’esti añu
celebramus en Cuideiru.
Lu primeiru y prencipal,
ya con toda reverencia,
falarei de lus siñoris
qu’ organizarun las fiestas:
¡Bona Cumisión, pur ciartu,
mijor nun si cunuciara!
El Prisidenti un bon mozu,
todu un siñor de carrera;
lus demás nu i van en zaga,
todus son xanti de lletras
ya en ellus a todu’l puablu
con gran honor riprisentan:
Armadoris,cumirciantis
ya de la endustria pesquera
fabricantis, empleaus
ya hasta de clas mariñeira
Bonus aplausos mirecin
ya muchas enoraguanas,
que con afán si destarun
sin quexasi de molestias
pa honrar al nuastru Patrón
con festejus de primera.
Ahora vou faer mencion
de nuastra nuava Gestora
que non para nin descansa
faciandu muy bonas cousas:
Abriarun un comedor
pa dai al probi que coma
ya a lus enfermus ya viayus
atendin con sus limosnas.
Ya ‘l Prisidenti ‘l Alcaldi,
mozu de talentu y labia
pa quian ti pidu i concedas
una moza bona y guapa.
Tamian el Tinianti Alcaldi,
Antulin el Buticariu,
mirez un parrafu aparti
por aitivu y campichanu;
non puadu diciti más
porque sei que ta casau,
peru si i puadu dici
que tian al puablu na manu.
Concédiis mucha salú
pa que sigan trabayandu
por traenus l’alimentu
que bian lu nisiciamus.
¡Ayudalus, Santu Apóstul,
ya concediis la gracia
qu’el soministru non mermi
ya haiga pan en abondancia!
En cambiu a lus aldianus,
esa xanti sin entrañas,
apretin con manu dura
ya is pongan multas sin tasa.
Non sei si tás enteráu,
compañeru de miou alma;
de lus precius que mus ponin
al lleichi ya a las indianas.
¡Val mas que nun ti lu diga.
peru atendi estas palabras:
Cuandu a las puartas del Cialu.
algun aldianu llegara,
dai dos gualtas a la llavi
va icha una siasta bien llarga!
¡Que paguin n’el Purgatoriu
ya que de fami nus matan!
Non quieru ponemi tristi
que ta la bibida cara
ya pensandu n’estas cousas
ponsi a unu la boca amarga.
¡Que muxica nus truxarun,
a todu ‘l mundu mociona,
loi siguru, Santu Apostul,
qu’hasta n’el Cialu risona!
¿Non ves que vian po lus airis
en esus cousus que avolan?
Non digamus, que tamian
da gloria güir las orquestas:
comu lus anxilis propius
lus estromentus manexan!
La guita fai gurguritus,
el roncon da borrachera,
hay cucañas, tiru al platu,
regatas ya lu que queras.
La iluminación relluz
más que todas las estrellas.
las ruadas ya lus cohetis
a toda la xanti allegran.
Tocanti a la Riligion
digutilu con fachenda:
la prucisión ya la misa
fuerun Ilucidas de veras.
Puastu que tamus aqui
quiaru ixponeti unas queiras:
Vou diciti. Santu Hermosu,
mal andamus de costera:
Nin sardina nin bocarti
nin chicharrón tan siquiara.
Non sei si sera ‘l mutivu
d’esta iscasez tan tremenda
esi demoniu d’ Atonita
que tiran en Nort-America.
Tu, que tianis bona manu
en ‘us asuntus de pesca,
mira ver comu lu arreglas
que ta la cosa muy seria.
Mandanus p’aca’ l bunitu,
las yuyas, el llibricanti,
la caballa ya fañeca
pa vaporas ya motoras
ya pa lus botis de cerca;
ya has precurar nun tea xunta
que la xanti ya avarianta,
non mus vaiga soceder
lu que mus pasou n’a “Barra”.
Esparcila por Arteu,
por Arilés ya Lluarca,
por la Deva, por Xixön
ya po la ria de Pravia.
¿Non ti parti ‘l corazón,
di, San Pidrin de mio alma,
non podamus aprobar
po la falta de ganancia,
nin siquiara un “embutiu”
de lus de Xuliu Calzada,
que la baba si mus cai
mirandu aquellas fornadas
de suspirus ya merenguis
ya de crucetas de hojaldra?
Si quiás que siamus amigus
tianis qu’enmendá la plana
pa que podamus garrar
una fartura en Santa Ana.
Ahora vou dati unus vivas
pa cabar l’Amuravela:
¡Viva Pedru, viva Pablu
San Pablin ya lus ecetera!
¡Vivan las Otoridadis.
la Cumision, las Orquestas
ya la Banda volandera!
¡Viva el tambor ya la gaita
que yá la muxica nuastra!
¡Que vivan todas las mozas,
las casadas ya solteras,
las viudas va hasta las viayas
ya todus lus qu’aqui tan
dandu rialci a la fiasta!
¡Ya viva la nuastra copla
que ya d’herencia pixuata:
¡MIENTRAS CUDILLERO VIVA
Y DURI LA FUENTI’L CANTU,
VA SAN PEDRU A LA RIBERA
CON TODOS LUS DEMÁS SANTUS!
¡Amura vela! ¡Isa vela!
¡Fuego a babor! ¡Fuego a estribor!
¡¡¡Viva Pedro!!!