L'Amuravela 1948

Escrita por
Elvira Bravo Fernández-Ahuja

Recitada por
Juan Luis Álvarez Bravo “Totó”

En el nombri de Jesús
y la Virgin Soberana,
vou ichar l’Amuravela
comu San Pedru asperaba.

¡Gloriosu Patrón San Pedru,
puadis tar más que contentu
ya comu nunca orgullousu
de ser el patrón del pueblu.
Vulviarun aquellus tiampus
de lus miós padris ya gualus
en que con fervor vinian
a faceti acatamiantu!
¡Cuanta xanti vian a honrati!
¡Hay más xanti n’a Ribera
que de peixis Tú pescasti
en Cana de Galilea!
Bian quixara, Santu Hermosu,
tenéti aquí a la mió vera
prisidiándunus las lanchas
comu prisidis la Ilesia
ya comu nun puadi ser,
desdi"l Cialu táti alerta,
vou falati cuatro cousas
contandu co la tou venia:
Anti todu, Gran Apóstul,
has tener indolugencia
s’isti añu non ti osequiamos
con tanta manificencia.
Lus tiampus siguin tan malus
comu cuandu habia guerra;
la pesca nu abunda mucha
algunus non ganan perra.
Lus precius tán po lus sualus
ya “la tasa” nus la enreda;
bian puadi ser, Tú sabrás,
que mijor non si mirezca.
Ten por siguru, San Pedru
que la xanti mariñera,
desdi ‘l más nua vu al más viayu,
siampri con fe ti veneran.
Non solu lus pescadoris
tamián la xanti de tiarra;
basta ver la Cumisión
que tá d’ellu dandu pruebas
por non deixati sin fiastas
esmuliándusi de veras.
Tianin bona voluntad
que yá cundición primeira,
fixarun lu que pudiarun,
Tú is darás la ricompensa.
Non piansis, qu’algunus hubu;
(dicir la verdá yá fuarza)
que si purtarun en estu
de muy mizquina manera
nun dandu lu que dibían
lus que más ganan con ellas
ya diciandu nu is importa
que ‘l puablu tuviara fiastas
facianduti algún dispreciu.
Peru nu is lu ichis en cuanta,
guay yá día de jolgoriu
comu lu manda la Ilesia
ya pa que Tú nus perdonis
hay que olvidar las ofensas.
Mira, mióu Santu del alma,
tán aqui a la nuastra vera
algunus hermanus nuastrus
que vianin de las Américas:
El Gandingu ya Burisu
Resaca ya la Polea
con el “Cónsul de Cuideiru”
que fala en llingua pixuata.
Ellus ya las sos familias
quiarin guay dati una muastra
de que nunca ti ulvidarun
viviandu’n lexanas tiarras,
dandu, pa jaer lus festejus,
un bon montón de pesetas.
Ya non solu diarun ellus
:sinón lus qu’allá s’alcuantran
que non pudiarun vinir
:peru unviarun moneda.
Respeutu a lu que mus pasa
falaréi d’esta manera:
-El mundu sigui pirdiu,
mira ver cómu lu arreglas,
l’estraperlu tá en su puntu,
solu medra el qu’estraperla.
Mira ver, Patrón Binditu,
si nus das bonas mareas,
a lu menus de bunitu
que ya emprimóu la costera,
pa que las probis muyaris
podan mercar unas telas,
qu’esti añu llevan más
pos van tapandu las piernas.
Comu son desaxeradas
ya quiarin ir a la moda,
tou viandu que van llegar
outra vez a arrastrar cola.
Ya que nun si pongan tontas
nin prisuman las de planta,
pos el que más ya’l que menus
tán deseandu “la baxa”.
¿Non sabis que lus aldianus
tán con un miadu qu’aterra
porque baxarun lus xatus
ya piansan que van dar quiebra?
Comu Tú queras, Patrón,
quedan co la boca abierta,
tianis las llavis del Cialu…
¿quián ti gurguta na tiarra?
Non ti pidimus nin bloquis,
nin tan siquiara picadas,
peru que non falti ‘l pan
ya fariña pa faer papas
ya unus culinus de sidra,
anque sea de la mala,
pa remoya ’l gorgoleiru,
ya dar lus vivas con gracia.
¡Viva Pedru, viva Pablu,
ya toda la Parentela!
Vivan las Otoridadis,
las ceviles ya las clérigas!
¡Que viva ‘l Siñor Alcaldi
que tantu mus considera
ya que po’l probi ya ‘l puablu
con tantu tesón si desta!
¡Que viva la Cumisión,
La múxica, las orquestas,
la gueito, lus xigantonis
ya las mozas casaderas,
pixuatas ya MIJICANAS,
viudas, casadas y’a MEDIAS
ya vivan lus foraterus
que dan rialci a la Fiasta.
Cantaremus a la danza
comu cantaban las viayas
la copla que mus deixarun
lus antigus en herencia:

¡MIENTRAS CUDILLERO VIVA
Y DURI LA FUENTI’L CANTU,
VA SAN PEDRU A LA RIBERA
CON TODOS LUS DEMÁS SANTUS!

¡Amura vela! ¡Isa vela!
¡Fuego a babor! ¡Fuego a estribor!
¡¡¡Viva Pedro!!!