L'Amuravela 1968

Escrita por
Elvira Bravo Fernández-Ahuja

Recitada por
Juan Luis Álvarez Bravo “Totó”

En el nombri de Jesús
y la Virgin Soberana,
vou ichar l’Amuravela
comu San Pedru asperaba.

¡Bunus ya filicis días,
Pescador ya Apóstul Santu,
que desdi tiampus rimotus
sos el Patrón d´esti puablu.
Nun séi si haberá na Gloria
ni en todu´l orbi Oniversu,
outru Santu más honráu
que´l nuastru Patrón San Pedru,
que a bindicinus la mar
fai un estanti que venu
ya nun pudu demorasi,
que tian que faer en Cialu;
peru desdi la iscutilla
ta iscuchándunus lu mesmu,
u pu la tilivisión
que siguru la punxarun,
anque más vus val que non,
nun vaiga subir el diañu
gatandu po las alambris,
ya, comu ya ta avezáu,
vus armi ahí una “Numancia”
quiriandu ser él el amu,
que nun séi si San Miguel
tenerá la espada a manu.

N´outrus puntus de bian llonxi
fanti tamián rindimiantu,
peru a la vera de Tí
puáninti pintáu un gallu
qu´al dar el rolós la hora
muávisi espaxaretáu
ya canta el ¡cacaracá!
pa ricordati el mal pasu.
Esu aquí non mus encarta,
que ta de más ermormáu;
aquí bástanus “Las Lárimas”
el día Miárculis Santu.
Po lu demás, sos, Patrón,
comu´n Almiranti honráu,
pescador de homis ya peixis,
primeiru en Apostoláu,
ya´l que ha franquianus las puartas
cuando séamus llamáus.
(Has precurar, Santu Hermosu,
que tardin muchu en llamanus).

Comu siampri, Santu Apóstul,
hubu de bonu ya malu;
de todas las novedadis
facerésmusti el relatu.
L´iviarnu tuvu zurrucu,
demás imprimóu tempranu.
N´utubri unas mareonas
tan xigantis nus viniarun,
qu´acomparadas con ellas
las del siglu poucu fuarun.
Hubu qu´achicar lus chigris
ya llevar pa xunta Tí
las motoras ya lus barcus;
el travesar po la Plaza
iba un llabirintu armáu.
Unus cuatru ou cincu botis
llevóunus la mar arrastru.
Nun foi esu lu pior,
que lu más tristi del casu
foi qu´un golpazu de mar
llevóunus un compañeru
al acabar la costera
de bunitu n´el regresu.
Siguíu dos trepulantis
tirárunsi pa salvallu
ispuniandu ellus la vida,
paru sacárunlu muartu.
El Comandanti Marina
venu dispuás a premiallus
con dos medallas que is punxu,
bian miricidas pur ciartu.
A él, como hermanu cofradi,
muchu ti lu incomendamus.
Outras muartis muy sintidas
intristiciarun el puablu,
cuasi todas de terrestris
ya por todus ti rogamus.
Nun deixis de colocar
en un bon llugar al “Guayu”;
desqui “El Coloráu” morréu
iba´l qu´ichaba´l Calvariu;
quedóu sostitutu “El Troncu”,
que bian lu ichóu esti añu.

La costera de bunitu
foi de provechu midianu,
ya a más, como ya ti dixi,
dexóunus muy mal ricuardu.
En contrasti, la mirluza,
dióusi comu nunca viamus:
más de onci toneladas
hubu semana qu´intrarun.
Portóusi bian el bisugu,
lus “vikingus” n´Avilés
siguimus siandu lus amus.
De cóngaru ya gurguy,
de merus ya redoballus,
de fañecas ya de “ecéteras”,
en abundancia pescamus.
Lus porcebis ya centollus
tuviarun precius muy altus,
más de a dusciantas pesetas
el kilu, ¿guais?, si vindiarun.
L´ardora non mus pintóu,
na más a unus tres ou cuatru,
el bocarti taba llonxi
muy p´arriba po´l Cantrábicu,
apenas baxóu de Francis,
nin tan siquiara a Bilbau.

La flota pixuata omenta,
que venu outru barcu nuavu,
llamáu “Brisas Pixuetinas”,
el nombri ta muy bian puastu;
foi compráu por xanti moza,
tres casaus ya un cilibatu.
Embarcacionis pequeñas,
más de venti s´istrinarun;
ahora el casu véi ser,
buscar aú las atotamus;
teneremus que colgallas
si nun si mus fai ispaciu.

Paez, Patrón, que ¡pur fín!,
van gobernanus el puartu;
sigún nuticias d´enriba
ta el plan téunico aprobáu.
Son ciantu noventa y dos
millonis de pirsupuastu:
¡ahí ta el “quiz” de la quistión,
que aprobin tamián lus cuartus!
¿Qué ti paez, San Pidrín,
poderemus isfacianus?
Quera Dios non mus enfuyin
porque ya´l purvinir nuastru,
ya más que nada, ¿güisti?,
de los fíus ya lus ñatus.
Vamus asperar, Patrón,
pa ver lu que ya de ciartu.

“Tamián lus caízus tan
de noraguana esti añu:
arreglárunis en facha,
peru dandu ellus un tantu,
la cai de Pozu, que foi
d´emportancia n´outrus tiampus”,
ya tinía cada furacu
qu´ibas dandu trumpiconis
lu mesmu ajumáu que cuardu.
Subiandu ta “El Vinturrillu”,
au ya´l Camín de Santiagu;
pur illí pasarun reinas,
tamián reis ya potentáus;
antis que El Pitu y La Paca,
foi llugar d´isparcimiantu
pa bellar ya pa beber
lus nuastrus antepasáus;
ahora queda a la moderna
con asfaltu glomeráu,
ya pa ir al tren “cha-ca-chá”
con poucu ha quedar al pasu.

Una novedá muy guapa
que foi algu istraurdinariu,
ya la ispusición de muablis
que´l carpinteiru Bernardu
feixu´l día San José
en un local suyu nuavu:
unus traíus de fuara
ya outrus por él frabicáus,
que toncanti al sóu uficiu
puadi dicisi ya´l amu,
ya la fía Jusifina,
bon arti pa colocallus.

Pa que veas que Cuideiru
en todu vei posprerandu,
en frenti´l Cristu´l Turbón
punxu un súpirmercáu
José Manuel, que ya un as
vindiandu bian ya baratu,
que de todu lu que queras
puadis facer allí el gastu;
tamus a istilu ciudá,
¡esu porque sí, malaju!

En´a sóu fecha de siampri
llegarun lus Reis Magus,
iban vinir po la mar,
peru dispuás de pensallu,
viniarun n´unacarroza
que mitiarun en un barcu.
Por si nun vían la estrella
porqui taba algu nubláu,
truxarun de capitán
a Ramunín que ya náuticu.
Todu tuvu muchu bian,
muy guapu´l ricibimiantu:
las chavalas d´asturianas,
outras vistías de diariu,
ellus, unus de faena
ya outrus de gala de blancu.
Tamián de la Acción Católica
lus aspirantis formáus.
Un pastor co las oveas
pa ofrecer al Niñín Santu,
muchas bengalas ya llucis,
ya beillotéus ya cantus;
a la puarta de la ilesia
taba un altar p´asperallus.
Nun quedóu neñu nin neña
que nun is diaran regalu;
peru por causa de Herodis,
antis del alba marcharun.

La Simana Santa, bian,
comu si fai n´estus tiampus;
muy bonus pidricadoris
con un xintíu disiartu
n´as cumunionis ya uficius.
Como siampri, en Viarnis Santu
lu mijor foi el Intiarru,
en silenciu, casi a escuras
todu´l acompañamiantu,
más que nada mariñeirus.
Lus mozus d´Acción Católica
iban tamián disfilandu
muy serius ya uniformáus,
ridublandu lus tamboris
para marcar mijor el pasu.

Nun todu son cousas bonas:
pa fastidiar más l´iviarnu,
venu arreandu la gripi
que nus tuvu xiringandu.
Nun deixóu cuásiqui casa
que nun fixara algún dañu,
ya esu que nun foi “malina”,
que si non, nun lu cuntamus.
Nun séi de ú venu el micobriu,
pa mi que d´Engalaterra,
que comu tan tan rabiáus
po lu del Peñón, ¿güisti?,
ya comu pulpus garráus
desqu´icharun allí el raxu,
ya a más tiáninnus de frenti,
icharun p acá l´aliantu
que han tenellu apozonáu
porqui tianin mucha “flema”,
que siampri tan custipáus;
nun paudi asperasi d´ellus
mas que maldadis ya ingañus;
¿nun ves que las probis monas
arrancárunis el rabu?
Peru que nun si choleeen
nin prisuman galleandu,
que tampoucu andan boyantis
sigún lu que tamus viandu;
tuviarun que quitar “lorus”
pa faer aforramiantu,
asina con minus llinguas
ya nun puadin falar tantu.

Hay muchu ribumbiu en mundu
entri lus grandis Estáus
pur mutivu de las Bolsas
que si tan cuasi vaciandu.
La peseta dispriciada,
l´oru véi disminuyandu,
lus dollaris ya la llibra
a la diriva tombandu.
Todu ta en temblequi, ¿guais?;
mátansi negrus ya blancus,
en Nortamérica Kénidi
ya Luteru asisináus;
cuandu si caba una guerra,
imprímansi tres ou cuatro.
Lus istudiantis fan gualgas,
nun quiarin maestrus viayus.
Puáninsi a lus que tan vivus
corazonis de lus muartus,
peru fanlu antis qu´ispichin,
des que ven que tan murriandu.
Lus satélitis pustizus
sirvin pa tilivisanus,
peru arribar a la Lluna
unda ha ser pa´l outru vranu.

Hasta na Ilesia, patrón,
rimuávinsi lus cimiantus;
algunus curas ya ubispus
andan, paez, riviráus.
El Padri Santu lloróu
en públicu ya en privau.
Nun sei si por tantu uninus
nus taremus disviandu;
nusoutros semus católicus
además de ser cristianus.
¡Icha una manu, San Pedro,
al timón, pa enderezallu!

Cuandu atoupis a Colón,
que feixu´l Discubrimiantu
ya que anda en tenguerengui
si foi ou nun foi pixuatu,
has dicíi qu´aquellas xantis
que taban tan atrasáus,
qu´iban indius con plumeirus
ya las virguanzas al viantu,
son ahora las qu´insiñan
a lus más cevilizáus,
ya micíus co lus negrus
que llevarun comu isclavus,
en´us cantus ya en´us bailis
queremus guay imitallus
faciandu mil utumías
co las piarnas ya lus brazus;
paez que is dan retorzonis
ya la pirlisía en cuallu;
au ya´l baili de San Vitu,
ou tan iscuaxaringáus,
nun séi si tianin miseria
u algu ya que is comi´l cuarpu.
Lus probis caban cunsigu,
ya lus que lus tan mirandu
pegasiis la enfermedá
ya impriman el mesmu tangu.
Toudus la mesma vitola,
las féminas ya lus machus,
algunus llevan patillas
ya outrus algu barbáus.
¿Paezti a ti, San Pidrín,
qu´estu ya algún adelantu?
Al mióu parecer, Patrón,
ya que vamus riculandu
ya hemus cabar en ser monus
ya que si empeñan que fuamus.

De vistíus, vou diciti
que si aforra abondu pañu:
con bikinis ya con minis
ta el faldamentu risualtu,
esu quiar dicir, ¿güisti?,
un misgaín de vistuariu.
Ya si non, puanin calzonis
porqui quiarin imitanus.
¡Han poner hasta bigoti
el día menus pensáu!.
N´as playas lus panoramas
siguin comu´l outru vranu,
con ispusición d´embrigus,
que dicin ya lu más sanu;
lu que ya, falandu´n plata,
bona falta de ricatu.
¿Qué van deprender lus neñus
viandu talis desacatus?

Ya puadis, siñor San Pedru,
apuntar comu pixuatu
al isquibridor Santana,
que munchu pondera´l puablu.
Nun piansis que ya d´ahora,
que en´a “Rigión” ya fai añus,
déstasi co mucha istima
en ponellu po lu altu.

En´a fonción de treatu
todus muy bian trabayarun;
hay que dar el parabián
al direutor don Lupianu.
Ya lu mesmu a las que bellan,
que van a Cuideiru honrandu:
n´Avilés sigundu premiu
anque el primeiru ganarun;
n´a Pola ya en otrus sitius
munchu las aponderarun.

El Marinu foi avanti,
bian si portóu esti añu,
quedóu campión dos vecis,
del Grupu ya Rigionariu;
ya´l Salas sucampión,
vei siguiándunus lus pasus,
que al subir nusoutrus, subi,
asina qu´hemus topanus
outra vez l´añu que vian
unu con outru tumbandu.
Lu que nus dióu mucha pena
ya de verdá lu sintiamus
po lu bian que lu facía,
foi que si marchara Blancu,
qu´era un bon entrenador
ya de toudus istimáu.
En cambiu venu Juvitu,
nun podemus ulvidanus
que con él ganóu dos vecis
el Marinu el Campionatu.
Tamus muy agradicíus
a las chavalas del puablu
que, demás de ser bian guapas,
trabayan cun intusiasmu,
vindiándunus papeletas
de las rifas, pa lus gastus.
Has dicíi a San Antoniu
que is dea mozus de garbu,
mijor dos pa cada una
pa que tengan de ripuastu,
ya que nun sean ye-yés,
nun si t´ulvidi´l encargu.

Hubu bodas de gran rumbu,
¡ya cada novia, San Pedru!
que nun séi cómu Anxilín
puadi quedasi solteiru.
Peru bian paga, ¿güisti?,
el querer ser un buey sualtu,
que pur miadu a una muyar,
andan tras d´el más d´un ciantu
cun mutivu la carnada
que tian que vender a diariu;
¡vesi tan cumprumitíu
comu´l Sultán de Marruacus!

Munchu nus costóu, San Pedru
(contigu quiaru ser francu)
faer esti añu las fiastas,
porqui toudu iba contrariu;
más que n´a mar co las vagas
foi la llucha que tuviamus.
Algunus baris, ¿güisti?,
nun quiráin dar lus cuartus,
outrus que si lus gamberrus
fan iscándalus po´l puablu…
Armóusi aquí un tresvisnuavi,
que foi un llivantamiantu
con cantaris ya pancartas,
iscritus ya discunciartus,
apagonis de la lluz,
que nun si sabi qué fuarun,
patatusis de muyaris
pensandu vinían matanus;
peru contra todu esu,
trunfóu el San Pedru nuasu,
que fai cuatruciantus añus
que ta al puablu prisidiandu.
Nun puadin ser bonas fiastas,
tenerás que despensanus,
ya has tocar lus corazonis
pa que nun haiga tacañus,
ya podamus cellebrati
en bona paz ya cunciartu.
Danus la tóu bindición
ya´l cutidianu pan nuastru,
con unas bonas costeras
ya n´a mar han amparanus.
Tocanti a lu riligiosu
lu mesmu Tú que San Pablu
habéis quedar satisfeuchus
que con fe vus veneramus,
ya ha salir el Sacramentu
que ya el Corpus que ahora honramus.
Ta aquí la Banda de Pravia,
orquestas, tómbulas carrus,
ya comu ya vian de siampri,
“El Topu” pa´l allumbráu,
ya toudu lu que pudiamus
atotar en poucu tiampu.
Vou imprimar co lus vivas,
peru tou algu soráu,
que nun séi a quián dicillus
por si s´arma outru tingláu:

¡Vivan San Pedru, San Pablu,
San Andrés ya San Santiagu,
San Marcus ya San Tadeu,
ya todu´l Apostoláu!
Lus demás vivas, Patrón,
ripártilus desdi´l Cialu
porqui sabis Tú mijor
a quián deberán ser dáus!
¡Que viva la nuastra copla,
que risuani po lus altus,
ya que nunca naidi poda
borránusla a lus pixuatus!

¡MIENTRAS CUDILLERO VIVA
Y DURI LA FUENTI’L CANTU,
VA SAN PEDRU A LA RIBERA
CON TODOS LUS DEMÁS SANTUS!

¡Amura vela! ¡Isa vela!
¡Fuego a babor! ¡Fuego a estribor!
¡¡¡Viva Pedro!!!