En el nombri de Jesús
y la Virgin Soberana,
vou ichar L’Amuravela
comu San Pedru asperaba.
Bonus ya filicis días
¡Almiranti! qu’ aquí tamus
lus pixuatus, lus caizus,
forasterus y’ aldianus,
pa rinditi pleitisia
ya filicitati ‘l Santu.
Dispuás de la prusición
desde magar de lus tiampus,
baxamusti a la Ribera
pa qu’ iscuchis el rilatu,
asperandu nun si armi
comu pasou l’outru añu,
por cuntar cuatro verdadis
qu’ algunus nun lis gustarun,
pos vou dicir una cousa
pa deixar cierrau el casu:
“¿Pa que ya L’Amuravela
sinón pa falati claru?,
lu malu, pa que s’inmiandi
ya lu bonu pa alaballu.
Si algunus tan disconformis
ha ser que nun son pixuatus,
piansan que por nun dicillu
non has ver Tú lus intuartus”
Istu, nun lu isquirbi yo,
feixulu Elvira Bravu,
ahí teneis la miruteca
pa’l que quera comproballu,
pos desdi siampri en Cuideiru
si falou altu ya claru
ya miantras yo te aquí inriba
esu vou siguir faciandu.
Dichu istu Santu Hermosu,
vou imprimar pol cumianzu,
igual que fixi cuntigu
vou facellu con San Pablu,
dandui las filicidadis
ya mañana cilibrallu
con misa sacramental
ya bian alzombrau el sualu
con floris ya espadaña,
comu fan en outrus puablus
cuando sal la prusición
co’l Santisimu portandu.
Si escasu a San Pablín
vamus a filicitallu,
anqui nun te aquí delantri
con todus lus demás Santus,
pos vistius de pixuatus
lus niñinus ya avezaus,
tamián hemus festejallu,
-qu’esti añu si hay pirmisu
pa tar na Plaza bellandu-
ya fairemus una misa
po lus mariñeirus muartus.
Tocami agora cuntati
lu que venu sucidiandu,
prencipalmenti na mar
que ya’l asuntu más nuastru,
novedades, más bian poucas
rispitivi al outru añu,
lu mijor ya que nun hubu
nin temporalis nin viantus
que nus fixaran parar
o isgorromblaran el puablu.
La costera de caballa
feixusi sin sobresaltus,
anque omentarun el cupu
sigui risultandu iscasu,
cabamusla en un tris tras
sin apenas dar cumianzu,
pasa xustu lu cuntrariu
que socedi co lus vascus
que la tirminan ¿güisti?
ya unda lis sigui sobrandu,
¡comu entendí ista xanti
lu del cupu, Patrón Santu!
pos hasta en lus pirsupuastus
lu tuviarun niguciandu,
ista vez nun foi por pesca
sinon pa rapar más cuartus,
pos comu Rajoy ta coxu
fan de muleta lus vascus.
Nusoutrus pa protestar
a Madrí nus displazamus,
pos la pesca artesanal
n’el ulvidu tan deixandu,
asina que xuntu a outrus
allí nus manifestanus,
n’el Yuntamiantu ista vez…
outra más que si lluciarun,
pos en ver d’ acumpañanus
un plenu ixtraurdinariu
n’ista ucasión convocarun,
nun tuviarun ni el detalli
pa ayudanus en lus gastus,
de rinunciar a las diatas
que por acudir cobrarun.
De la mirluza nu hay quexa,
abondu bian la pescamus,
ya anque nun vei altu el preciu,
comu nus acostumbramus,
vamus a poucu ya poucu
saliandu a floutu del añu.
El porcebi, bian tamián,
anque hay que tar vigilandu,
pos salinnus lus furtivus
pur-u quiara pa arrobanus
ya esu a nusoutrus ¿guais?
nun nus ta binificiandu,
pulpu nun garramus muchu
peru vendeusi caru,
asina que comu ves
algu si vei arranchandu,
anque na más que nus valga
pa ir saliandu del pasu.
Las navidadis allegris
con vellancicus sonandu,
peru Jaimi, pogramou
mal a la hora de parallus,
nusoutrus durmimus poucu,
peru la Virgin llavandu
toda la nuachi pasou
ya entre curtina y curtina,
tamián si tuvu peñandu,
San José foisi p’al tunil
pa ver lus peixis bibiandu,
si llegara ser po’l día,
atopaba a Hugu guiandu
algún grupu de touristas
a lus que taría enfuyandu.
L’árbul n’el mediu la Plaza
outra vez tuvu muy guapu,
las bolas n’ista ucasión
de roju astinción punxamus,
p’al añu que vian, siguru
que de naranja han tocanus,
las moradas de momento
puadin siguir asperandu.
Comu todu hay que dicillu,
lu mesmu bonu que malu
la illuminación pasabili,
isti añu mijorarun,
asperu faigan lu mesmu
co las bumbillas del puablu,
¡siguimus a media lluz!
¡paez nun quiarin que veamus!
una cousa ya nun ver
ya outra que seamus ciagus,
lus forasterus, nun sabín
qu’al ir la marea pa baxu,
todas las cousas, Patrón,
acaban siampri aflotandu.
Tuvu muy guapu tamián
en Navidá, el cunciartu,
lus corus van lus d’aquí,
esu siampri hay qu’alabayu
ya con Avanti Cuideiru
tamián tuviarun rifuarzu.
El nacimiantu vivianti
a la puarta el Yuntamiantu
risultou un pocu probi
ya algu desanxelau,
dibirían de ponellu
aú siampri lu fixamus,
que y’a la puarta la Ilesia
por ser un llugar más santu.
Lus de La Troza outra vez
armarunla por el puablu,
gulviarun a urganizar
lus vellancicus pixuatus
que la verdá San Pidrín
¡dati gustu iscuchallus!
pos siampri vianin rifuarzus
de muxicus avezaus,
bian dirixius pur ciartu
por el miou apuntador,
qu’ha pidimi omentu sualdu
desque co la Banda Llanis
tuvu en Nuava York tronfandu.
La vispura de lus Reis
la Cabalgata tuviamus,
co las gueitas de Cuideiru
ya abondu acumpañamiantu
de niñinus, de pastoris
ya Laurianin de romanu,
a la puarta de la ilesia
lus del Urianti falarun
ya dispuás n’el Yuntamiantu
ripartiarun lus rigalus,
ista custumi, Patrón,
qu’invintarun l’outru añu,
paemi nun ya lu mijor
comu exemplu de ripartu.
Tampoucu eran las terrazas,
prumitiarun arreglayu,
peru unda siguin igual
que taban el outru vranu,
siguramenti Patrón
a alguin tan binificiandu,
ya nusoutrus siguiremus
sin ispaciu pa pasianus
ya tamián dandunus cuanta
quian manda n’istu n’el puablu,
pa nun llevantar más polvu …
nun vou a siguir falandu.
Quixara filicitar
porqui lu mirez el casu,
a Mariani, po lu abondu
que si desta trabayandu
ena nuasa Bibliuteca,
foi por esu qu’ isti añu
de la AMPA l’ Estitutu
con todu miricimiantu
el sou Deploma d’Honor
a ella i lu otorgarun.
Paez que anda en racha,
pos tamián l’ añu pasau
un María Muliner
de Coltura si lu diarun,
de premiu, un loti de llibrus
que munchu bian nus viniarun,
asperemus nun si añaguin
po las goteras del teau,
que cuandu lluavi, San Pedru,
hay qu’andar a calderaus,
o leer con salvavidas
pa nun morrer afogaus.
Lu qu’agora llaman “jalogüi”,
-que de magar de lus tiampus
en Cuideiru ya n’Asturias
lu viníamus cilibrandu,
en’a Nuachi de las Ánimas
ya co la Guastia pasiandu-
tuvu abonda animación,
desfracis que mitían miadu
ya p’al tunil del terror
iba un xintiu disiartu.
De lus minús pa comer
casi mijor nin ti falu,
la cumida taba rica
ya bian sirvida n’el platu
¡peru daba noxu güir
lus nomis que lis punxarun!
Istu son modas, Patrón,
de lus nurtiamiricanus,
que al garranus de sicultri
van poucu a poucu mitiandu,
sinón unvian al exércitu
ya tirminanti invadiandu.
Yo po’l mandamás que tianin
nun pongu la manu en fuau,
si antis taba Obama
piansu qu’agora pior vamus,
muy humanu nun paez
¡si hasta tian nombri de patu!
Tú prucura nun gurgutiar
que ti pon un muru en Cialu,
asperemus nun la armi
co’l lloucu norcoreanu,
que con tirasi una bomba
siampri tan amenazandu,
ya Putín pa nun ser menus
diz que ta outra frabicandu,
vou dicilis una cousa
por si mi tan iscuchandu,
siampri en Cuideiru hubu bombas
ya nun vamus prisumiandu.
Nin prisumimus tampoucu
de las dos bodas del añu,
la d’Estefania ya Kiku,
-nin ella ya la de Mónacu,
nin el yá el que tas pensandu-
cilibrousi en Yuntamiantu,
que con redis n’as paredis
taba muy guapu adornau,
todu istilu mariñeiru
comu correspondi al puablu,
la novia vistía un traxi
de mudistu afamau
ya de rivista paician
que iban lus envitaus,
amás, nadi li impidiu
que falara en pixuatu.
La outra foi la de Firiu
que golveu dai el si quiaru,
ista, diantru de la Ilesia
a Catalina de nuavu,
dicinsi bodas de ouru
dispuás de cincuanta añus,
cantarunlis lus del coru
ya todu tuvu bian guapu.
Agora que tan en tourismu
prumucionandu isti puablu,
dibirian avisar
en lus cartelis, de pasu,
que si si metin pa Pozu
ya’l camín intivocau,
pos ya cuntamus dos cochis
que van escalera abaxu,
por culpa’l navegador
qu’agora llevan lus autus,
si escasu, bian que pudian
ir pa Santana disviaus,
pos tanta xanti ha vininus
isi añu por el vranu,
qu’hemus tener que marchar
de Cuideiru lus pixuatus,
ya un falar por nun callar,
que de magar de lus tiampus
a todus lus forasterus
muchu bian lus ricibiamus,
inclusu lus bautizamus
co’l agua la Fonti’l Cantu.
Tamián en Semana Santa
abondus nus vesitarun,
caeu n’el mes d’abril
ya acompañounus el tiampu;
aú nus acompañan poucu
ya saliandu co lus Santus,
vamus en las prusicionis
con el pirsunal iscasu,
imprimandu comu siampri
por el Dumingu de Ramus
con bindición de las palmas
ya lus niñinus bian guapus,
el xuavis foi el Calvariu
co’l nuavu horariu cumpliandu
ya po la xanti, paez
que co’l cambiu acertamus,
peru pa’l añu que vian
el cambiu si has de notallu,
pos vou dicibus aqui,
istu con gran sintimiantu,
que ya teu sostitutu
pa ichalu el próximu añu,
toy siguru que Pidrín
vei facellu con aciartu,
ayuda nu ha de faltali
que ta Santiagu abicandu,
has tenellu a la tou vera
acompañanduti en cialu.
El sirmón del Desenclavu
cunsiguiu mucionanus
ya el Santu Intiarru dispuás,
todu istu en Viarnis Santu,
el sábado La Vixilia,
las Venias en sin un fallu
ya chocolati calianti
pa ir bellar al Puartu Nuavu,
que la Fiasta el Pescador
allí nus taba asperandu.
Ven p’acá, Santu Patrón,
será ciartu o toi suañandu,
¿istu de la currución
ya verdá que tá pasando?
ya impusibili que haiga
tantu lladrón pur-í sualtu,
si ti lus teu que nomar
nun da pa más el rilatu,
pos hailus que inclusu tan
a la vez en varius casus,
vou imprimar por algunu
¿qué ti paez lu de Ratu?
¡si hasta cuandu era menistru
dicían taba arrobandu!
siampri si dixu, miou probi,
que lu que ya heredau
nun ti fai falta comprallu
¡bian que aprendeu del gualu!
siguru qu’iba inucenti
cuandu lu encarcelarun.
Urdangarín ya la Infanta
pur fin ya fuarun xuzgaus,
ella, probi, nun sabia
lu que el homi taba armandu
ya muchu menus tuvía
d’agú salían lus cuartus,
asina que la deixarun
salir llibri ya sin cargus
¡ta vistu … nun era Elena
la que llavaba más blancu!
él nun tuvu tanta suarti
ya saliu condenau,
peru anda llibri por Suiza
en bicicleta pasiandu,
¿acasu tara d’entrenu
por si hay que salir curriandu?
a nun ser qu’antis priscriba
ya nun haiga qu’encarcelallu,
tal paez que algunus xuacis
na más tan de un solu llau,
si allegara ser un probi
taba en prisidiu pechau.
¿Quiaris qu’agora falemus
del partiu del Gubiarnu?
faelu de la upusición
paemi ya perder el tiampu,
igual que lu piardin ellus
si nun si puanin d’alcuardu,
una mución de cinsura
nun nus arregla el intuartu,
pa gobernar, tan las urnas,
lu outru son solu cuantus,
sobrimanera, Patrón,
si el arroz si vei pasandu.
Anque pasasi, pasasi,
ya’l numeru d’imputaus,
que cada día, San Pedru,
unu nuavu vei saliandu,
¿comu si puadi ixplicar
todu lu que arrobarun?
si ubligan a devolvellu
somus todus potentaus.
Puliticus, empresarius,
banquerus ya sindicatus,
naidi si llibra de esta
¡son muy golosus lus cuartus!
Gurtel, Púnica, Canalis…
son solu algunus casus,
aquí el Marea ya a Villa
qu’agora lus tan xuzgandu,
tamián la Uperación Hulla
que andan invistigandu,
más bian Bulla, diría yo,
po’l fedor que ta dexandu.
Sin falar de lus Pujolis
¡qu’istu si ya pa istudiallu!
tianin madri supiriora
de conventus, nin ti cuantu,
ya hasta hay un capillán
pa manexar bian lus cuartus,
siguru que cuandu rezan,
nun si dirixin al Cialu,
ellus fainlu al Paraisu
pos tianin el pasu francu.
España, nun ya curruta,
dixu el outru día Marianu,
teu que dali la razón
porque istu ya bian ciartu,
corrutas son las prisonas
que nus vianin gobernandu
ya lus partius que tan
lus xuacis invistigandu.
Agora pa protestar
una noveda sacarun,
pasiar en autocar
po las ciudadis ya puablus,
fuarun lus de faiti güir
lus primeirus que saliarun,
ya dispuás pa nun ser menus
Pablu con el tramabus,
¡pa faesilu mirar!
outru ricurriu fixarun.
Mijor el del Padri Ángel
¡isti si foi un aciartu!
que una barbiría móvil
ponxu, pa ir afeitandu,
¡pelu quedanus ya poucu
que bian nus lu tan tomandu!
Anqui pa cortallu aquí
outra n’el Cruci punxarun.
Nun piansis qu’el mundu ta
munchu mijor qu’aquí tamus,
pos siguin lus tirruristas
islamistas atentandu,
nun is da más sean niñinus,
homis, muyaris o viayus,
dicin tan en guerra santa
ya que Alá lus ta mandandu,
paemi nun ya verdá
¡todu lu tan enventandu!
sisinar en nombri de Dios
ya cousa de lus humanus,
nin la Biblia, ni el Corán,
diz que nus teamus matando.
Lus inguilis comu siampri
outra vez más la liarun,
n’esta ucasión con el “beisi”
qu’en referéndum votarun,
quiarin marchasi d’Uropa,
pa m’idea nunca tuviarun
na más que p’aprovechasi
de todu lu que pudiarun,
pos sabis lu que ti digu,
por mí, las de Villadiagu,
si antis pagan lu que debin
en garrar ya tan tardandu.
Algu asina tan aquí
lus catalanis quiriandu,
separasi de nusoutrus
ya faer un estau nuavu,
lu que tan faciandu ya
a lu tontu gastar cuartus
ya co la pacencia nuastra
tan algunus acabadu,
pos en prensa, radiu, tele,
nun aparan machacandu,
paez que nu hay outra cousa
más emportanti, miou Santu,
pos vou a dicilis yo
de que puadin ir falandu:
de Convergencia, el Palau
o el famosu tres pur ciantu.
Si quiarin desconectasi
qu’apaguin la lluz tempranu,
que si pongan a durmir
ya que tengan bonus suañus.
¡Que barbaru lu del rey!
a Xuan Carlus mi rifiaru,
comu li diara po’l circu
hasta i crician lus nanius,
agora qu’el probi garrara
co la adicación discansu,
lus asuntus de muyaris
quedaruni al discubiartu,
yo nun digu que fixara
lu que quixara co’l cuarpu,
peru pagandulu él
ya non co lus nuastrus cuartus.
Cuntareiti qu’en fugol
outra vez foi un frescasu,
ya en Urovisión tamián,
ganamus l’últimu puastu,
ni el Uviadu ni el Sportin
una alligría nus diarun,
el primeiru nun subiu
ya’l sigundu pa’l infiarnu,
asina que al tar lus dos
en la sigunda xugandu,
lu que tinemus siguru
ya ‘l derbi pa isti añu.
El Marinu outra vez
aguantou comu un cosacu
ya hasta rigateou fuara,
que cuasi queda sin campu.
Haberá que filicitar
ya dalis un fuarti aplausu,
a lus niñinus que tan
en el Valdreu xugandu,
ganarun la Uviadu Cup
ya dispuás el campiunatu,
ya ’l Madrí, que golveu ganar
la Champium tamián isti añu.
Lus pitus na Copa ‘l Rey
que al hinu li didicarun,
viniandu d’aú vianin ¿guais?
casi val más nin nombrallu,
lu cuntrariu que a Nadal,
que bian hay qu’emponderallu.
Tinía pensau falati,
¡de lu bonu, por supuastu!
sobri las obras ya llogrus
que feixu el Yuntamiantu,
peru comu ellus si ucupan
en facebu de colgallu,
nun vou ripitillu yo
pa asina nun cansavus,
mijor puadu enumerati
lu que ellus ulvidarun
sigui tandu la viñeta,
cara comu l’outru añu,
lu del agua pa beber
unda nun lu arriglarun,
en Sotu nun ven la teli
en cuantis que asopla el viantu,
si aparecin vertederus
culpan al amu del prau,
solu si ve el puablu llimpiu
cuandu ta próximu ‘l vranu,
en sin falati d’ impuastus
que bian lus tamus pagandu,
de la ordenanza tirrazas
paemi que si ulvidarun
ya pa jiringar las fiastas
sacarun un bandu nuavu,
¿ya aú tá la relación
de lus puastus de trabayu?
güi yo que pa facella
gastaransi bonus cuartus,
pa m’idea, San Pidrín,
la rispuasta ta en el viantu,
comu todas las que dan
cuandu alguin vei priguntandu,
pos por sistema contestan:
nu i competi al Yuntamiantu.
Vou agora co las fiastas,
qu’esti añu urganizarun
unus valiantis que mirecin
lis deamus un fuarti aplausu,
po lu menus San Pidrín
istus son xanti del puablu,
a ver si al añu que vian
si caban más arrimandu
ya fan una Cumisión
pa trabayar con más tiampu,
las orquestas outra vez
pa la Plaza ritornarun,
asina que hemus bellar
hasta que rivianti ‘l cuarpu,
sin que las “fuarzas por ordin”
tengan que vinir a ichanus
ya tamián co las charangas
nus iremus animandu,
las misas ya prusicionis
igual que todus lus añus,
pos pa esu lus cofradis
abondu si tan destandu,
haberá xuaus pa niñinus,
bautizu na Fonti’l Cantu,
-fairemus un futucul
que bian guapa la deixarun-
ya lus fuaus d’artificiu
pagaus por el Yuntamiantu,
istus saliran baratus,
pos las chispas saltan diantru.
Vou tomar l’últimu aliantu
pa ir tirminandu el rilatu,
ya piditi que protexas
comu siampri a lus pixuatus,
lu mesmu en tiarra, na mar
ya cuandu teamus nel cialu,
pur ciartu, tianis a dos
al tou llau guay iscuchandu,
que al apuntador ya a mi
nus lus llevasti l’ outru añu,
asina que comu soy
el que ta mandandu el barcu
en el nombri de lus dos
un besu lis unviamus.
Tamián quiaru ricordar
porqui lu mirez el casu,
a Don José Luis el mélicu,
que al ser pixuatu adotau
dexariasi el pasu francu,
amás cunvianti tenellu
por si un día ti ponis malu.
Preparati, qu’ agora vou
dati lus vivas bian altus,
por si nun mi güis bian
pos nun pirdonan lus añus,
¡Viva el primeiru San Pedru
por ser el patrón del puablu!
¡Viva San Pablu dispuás,
que abondu lu cilibramus!
¡Ya que viva San Pablín,
que ya solu santu nuastru!
¡Viva San Antoniu Hermosu
patronu de cilibatus!
Comu Jaimi ya icho moza,
tian qu’ir cambeandu de santu.
Pa que guii a lus piligrinus
¡damusi un viva a Santiagu!
¡Ya outru a la Virgin del Carmin,
qu’en la marina tian rangu!
¡Viva tamián la de Fátima,
que anda de cumpliañus!
ya pa festejai lus cian,
vesitoula el Padri Santu,
¡Vivan lus Santus ya Santas
que ti tan acompañandu!
¡Vivan las otoridadis
que trabayan por el puablu!
¡Vivan lus xuacis que tan
la currución pirsiguiandu!
¡Vivan todus lus que tan
guay el sirmón iscuchandu!
ya a lus que nun puadin tar
¡un viva tamián lis damus!
Ya unda que teu fuarza
antis que sequi el gargualu,
vou ricitati la copla
que lus pixuatus llevamus
mitía nel corazón
ya siampri ti didicamus:
¡MIENTRAS CUDILLERO VIVA
Y DURI LA FUENTI’L CANTU,
VA SAN PEDRU A LA RIBERA
CON TODUS LUS DEMÁS SANTUS!
¡Amura vela! ¡Isa vela!
¡Fuego a babor! ¡Fuego a estribor!
¡¡¡Viva Pedro!!!